28 Января 2019

Республикада өч муниципаль район тәүлеккә 200 тоннадан артык сөт җитештерәләр. Бу хакта Марат Әхмәтов Татарстан Республикасы Премьер министры урынбасары – Татарстан Республикасы авыл хуҗалыгы һәм азык-төлек министры Татарстан Республикасы Хөкүмәте Йортында узган киңәшмәдә сөйләде.

Мәс., Кукмара районында тәүлеккә 250 тонна сөт савылган – бу республика муниципаль районнары арасында гына түгел, ә Россиянең башка төбәкләре арасында да иң зур күрсәткеч. 2018 елның шушы датасына үсеш 5% тәшкил итә. Икенче урында Балтач районы – 220 тонна(үсеш - 8%), өченче урында Әтнә районы – 204 тонна(үсеш - 5%).

2018 ел белән чагныштырганда иң күп үсеш Әлмәт районында(35%), Түбән Камада - (15%), Актанышта - (14%), Тукай районында - (12%), Яңа Чишмәдә - (11%) һәм Сабада - (10%).

Татарстан Республикасы Авыл хуҗалыгы һәм азык-төлек министрлыгы башлыгы җәйгә таба Саба һәм Актаныш районнарының тәүлеккә 200 тонна сөт чиген узып китәчәкләренә ышаныч белдерде.

«Шундый ук бурычны без Арча, Әлки, Мамадыш районнары алдында да куя алабыз», – диде министр.

Шул ук вакытта кайбер муниципалитетларда тәүлек савымның кинәт төшүе күзәтелә. Минзәлә, Кама Тамагы, Бөгелмә, Мөслим, Спас районнарына сөт җитештерүгә игътибарны арттырырга кирәк.

Өстәмә рәвештә шуны хәбәр итәбез, быел 1 литр савылган сөткә гыйнвар-февраль айларында, Президентның өстәмә ярдәмен истә тотып, 1,2 млрд. сум субсидия бирелә, әмма сыерларның баш саны кимемәскә тиеш.


Чыганак: Татарстан Республикасы авыл хуҗалыгы һәм азык-төлек министрлыгы