Рөстәм Миңнеханов Марат Җәббаровны Татарстан Республикасы Премьер министры урынбасары – Татарстан Республикасы авыл хуҗалыгы һәм азык-төлек министры вазыйфаларын башкаручы итеп билгеләп куйды

Марат Азат улы  Җәббаров Татарстан  Республикасы  Премьер  министры  урынбасары – Татарстан Республикасы  авыл  хуҗалыгы  һәм азык-төлек  министры вазыйфаларын  башкаручы  итеп  билгеләнеп куелды. Тиешле  указга  Татарстан  Республикасы  Президенты  Рөстәм  Миңнеханов  кул  куйды.   

Бүгенге  көнгә  кадәр  Татарстан  Республикасы вице-премьеры – Татарстан  Республикасы авыл хуҗалыгы  һәм азык-төлек  министры  вазыйфасын  биләгән Марат  Әхмәтов, алтынчы  чакырылыш  Татарстан  Республикасы Дәүләт Советы депутаты  булып  сайлануга  бәйле  рәвештә,  Рөстәм Миңнеханов указы  белән  вазыйфасыннан  азат  ителде.

Чыганак: Татарстан Республикасы авыл хуҗалыгы hәм азык-төлек министрлыгы