8 Сентября 2018
Татарстан Республикасының 9 районы бәрәңге уңышын җыюга кереште. Арча, Балтач, Биектау, Алабуга, Лаеш, Мамадыш, Минзәлә, Түбән Кама, Тукай муниципаль районнары игенчеләре «икенче икмәк»уңышын җыя.

Татарстан Республикасында бәрәңге уңышын җыю күләме быел 6 мең гектарга якын тәшкил итә.

2018 елның 7 сентябренә оператив мәгълүматлар буенча, бәрәңге 281 гектар мәйданда җыеп алынган, бу фаразланганнан 5% тәшкил итә.  Бүгенге көнгә 9,1 мең тонна «икенче икмәк»җыелган.

Татарстан буенча уртача уңыш гектарыннан 323 центнер тәшкил итә. Иң зур уңыш Биектау районында күзәтелә – 351 ц/га, Арча районында – 350 ц/га, Балтач районында – 335 ц/га, Алабуга һәм Минзәлә районнарында – гектардан 300 центнер.