17 Сентября 2019

17 һәм 18 сентябрьдә  Татарстанның  Тукай  районында Авыл  хуҗалыгы   кооперациясен үстерү  буенча  компетенцияләр  үзәге  белгечләре   районның   шәхси  ярдәмче хуҗалык алып  баручы кешеләре, фермерлар һәм авыл эшкуарлары  белән  очрашулар  уздыра.  

Очрашулар   барышында  кече  эшкуарлык субъектлары  һәм  кече  хуҗалыклар  өчен  дәүләт ярдәме  чаралары  аңлатылачак.  Урыннарга  чыгуның  максаты  шулай  ук  кооператив партнерлыкның      мөмкин булган  схемаларын  булдыру өчен  муниципаль районны  өйрәнүдән    гыйбарәт.   

Чара  нәтиҗәләре  буенча  район  җирлекләре  кысаларында  районның  эшлекле  активлык  рейтингы  билгеләнәчәк.      

Татарстан  Республикасы Авыл хуҗалыгы  һәм азык-төлек  министрлыгы тагын  шуны  искәртеп уза, авылда  эшкуарлык  һәм авыл кооперациясе  мәсьәләләре  буенча «Татарстан  Республикасында  авыл хуҗалыгы  кооперациясен  үстерү буенча компетенцияләр үзәге» дәүләт бюджет учреждениесенә  (843)221-77-40, (843)292-07-59 телефоннары аша  һәм  цкскрт.рф сайты  буенча  мөрәҗәгать  итәргә  мөмкин.


Чыганак: Татарстан Республикасы авыл хуҗалыгы hәм азык-төлек министрлыгы