30 Июля 2018

Татарстанның барлык  районнары диярлек  бөртекле  культуралар җыюга  керештеләр. Оператив белешмәләр  буенча,  2018 елның  30 июленә Татарстан Республикасы буенча  бөртекле  культуралар  315 мең тонна җыелган, шул исәптән  көзге бодай   – 289,2 мең тонна, көзге  арыш  – 22 мең тонна, арпа – 2,7 мең тонна.

Узган  тәүлектә  Татарстан Республикасы буенча  уртача    80 мең тоннадан  артык  ашлык  суктырылган.

Республика  буенча  бөртекле   культуралар 103,2 мең га мәйданда суктырпылган, бу  фараздан    7 процент тәшкил итә. Ашлык мәйданы иң күп  суктырылган  районнар:   Чистай – 1,86 мең га (тәүлеккә мәйданның 3,5%ы), Буа  районы – 1,76 мең га (тәүлеккә 3,2%), Алексеевск – 1,49 мең га (тәүлеккә 3%),  Тәтеш  – 1,43 мең га (тәүлеккә 3,2%).

Татарстан Республикасы буенча  уртача  уңдырышлылык гектардан    30,5 центнер тәшкил итә, көзге  арыш  –  26,5 ц/га, көзге  бодай  – 31 ц/га, арпа –  28 ц/га. Иң югары  уңыш    Зәй  кырларында  күзәтелә   – 41 ц/га, Актаныш районында   – 38,7 ц/га, Азнакай районында – 38,6 ц/га, Сарман районында –  38,2 ц/га, Кукмара  районында –  36,2 ц/га  һәм Әлки  муниципаль районында  –  35,5 ц/га.


Чыганак: Татарстан Республикасы авыл хуҗалыгы һәм азык-төлек министрлыгы