18 Сентября 2018

«2017-2020  елларга  Татарстан Республикасында  яңа  эш башлаучы  фермерларга  ярдәм» федераль ведомство программасы   буенча  грантлар  бирү өчен крестьян  (фермер) хуҗалыклары  проектларын  сайлап  алу конкурсына  йомгаклар  ясалды. Грантларның  гомуми  суммасы   –   90,6 млн. сум, шуннан 52,5 млн. сумы федераль бюджеттан (58%) бирелде.

Конкурста  катнашуга  заявка биргән 59  крестьян (фермер) хуҗалыгыннан   22 муниципаль районнан  40 КФХ  грантларга  ия булды. Иң күп җиңүчеләр   Азнакай һәм Яңа  Чишмә районнарыннан  - 4әр КФХ. Грант алучыларның  күпчелеге   терлекчелек  юнәлешендәге  проектларны  гамәлгә ашырачаклар, шулардан    12 – сөтчелек  юнәлешендә  -  470 баш  сыер, 9 –  эре мөгезле терлекләр  симертү буенча - 525 баш, 1 – кошчылык буенча -  42 мең баш, 1 – ат үрчетү буенча - 40 баш,  1 – кәҗәчелек буенча -    150 баш.

Шулай  ук  бөртекле   һәм кузаклы культуралар җитештерү буенча 6  проект  (969,9 га),    җиләк-җимеш  культуралары  үстерү буенча 5 проект,  яшелчәчелек буенча  3 проект, бәрәңгечелек   һәм балыкчылык юнәлешләре  буенча 1әр проект   гамәлгә ашырылачак. 

Программа шартлары буенча грантның  һәр миллион сумы чикләрендә  1 өстәмә эш урыны булдырылырга, шулай ук  продукция җитештерү күләме  елга  кимендә 10 процентка артырга тиеш.


Чыганак: Татарстан Республикасы авыл хуҗалыгы һәм азык-төлек министрлыгы